Maikei=direction

Mathakta loukhatchakhiba khudam asida khennaba uba asumna Meiteirol gi wahei maikei haiba asiga English wahei direction asigasu khennaba lei. Eina eikhoigi Manipuri Dictionary gi wahei kayagi definition isana marik chumna piba ngamlaktaba matamda Oxford English Dictionary (OED), aduga karigumbada Merriam-Webster Dictionary da Meiteilol waheiduga chaorakna mannaba (chap mannabadi leigande) English waheigi definition singgi marakta chanaba sense adu yenglaga matek louba adummak yaoi. Kanagumba misak amana wahei amagi marik chumna piduna thamlaba wahanthok adu paba, madudagi wakhallol chupsinbasi yamna nungaiba amani. Matam yamna kalli, wakhal yamna kalli. Wakhal khanbadasu mateng oi. Aduga wahanthok adu pinabada hotnabada chatkhiba mafang mafangba lambising adu loinamak amuk hannaduna chatludragasu madugi hotnakhiba mayam adugi maheidi fangngi, amasung eikhoina isagi iranaigi wahanthok sagatpada achouba mateng pangngi.

Masi oidunasu, lol amana karigumba potsak ama karamna ubage, madu karino haibanachingba khangbagi wakhal sagatliba adu eikhoigi lolna sagatpaga maong mannadabanina atoppa lol amanagi dictionary na piba wahei amagi definition adu madugi waheiduga chaorakna mannaba eikhoigi lol adugi definition pibada mateng oiraktaba yaoi. Wakhal mityeng khennaba asikhakki nattana tongan tonganba lolsinggi wahanthok mannaba nattraga chaorakna mannaba waheising adu sagatpagi (morphology gi) maong adu khennabanasu wahanthok wainabada yadaba asi hengat halli. Masigi khudamdi Bishwapremee Shagolsem na pukhatlakliba maikei/direction gi artha pibagi maong asini. Masigi matangda matek kharadang ijage.

English wahei direction asi derivative ni--direct haiba verb aduda suffix -ion hapchillaga noun sembani. Wahei amaromda hairagadi direct haiba concept asina direction haiba concept asidagi halli. Maram asina English ngangbasingi wakhalda direction haiba concept asida, concept asi sagatlakpada changba direct haiba lengba, chatpa yaoba thabak asigi concept masana adum yaojare. Maram asina direction gi definition pibada lengba ga mari leinana masigi idea/concept asi soidana sagatlakpa tabani.

Amaromda Meiteirol gi maikei haiba waheisidi mai amasung lamdam keida, mafam keida haibanachingbada yaoriba kei(da) na pullaga sabani. Masida thabak yaode. Lengba yaode. Eikhoigi maina keida, haibadi kadomda onba haiba aduni, madugi paring aduni. Lengbaga mari leinaba mafam natte. Masidi maina onbagi adom thangba aduni. Maram asina Meiteirolgi maikei gi khwaidagi basic oiba, haibadi Sense 1 gi definition asi lengba yaodabagi sense asi oifam thokpra haina khalli. Sense 2 lakpadadi basic oiba Sense 1 asidagi sagatlakpa, masida khongfam thamlaga leppa, masidagi lapthoraklaga, experience na pirakpa, matamna purakpa, hapchillakpa, tinsillakpa thabakka mari leinaba sense hapchillaga pigadaba definition ni. Khudam oina eikhoina pamliba mafam amada chatpada eikhoigi maidu eikhoina chatningliba mafam adomda ongani. Aduga atoppa nakal amadagi yenglagadi, lengbabu lenglagadi maikei haiba ama masana chennajarakle--lengbu lenglagadi mafam ama thadoklamlaga, madudagi lapthoraklaga kadaidano amada naksilli. Masi lengbada masana chennajaba, lengbagi mahousa oiba vector gi saruk amani. Aduna anisuba amasung ahumsuba sense (leiragadi) ki definition pirakpa matamda Sense 1 dagi sagatlaga maduda yaodaba thoijillakpa sense adu hapchillaga Sense 2 sagatkadabani amasung madugi definition pigadabani. Dictionary-maker kharadi sense ani ahumkasi sense amada punsillaga pibana henna pamjei. Bishwapremee Shagolsem na mathakta piriba maikei gi definition (ihan hanba sentence ta piriba) definition asi maikei gi sense ki evolution gi tangkak ani punsinkhre. Asumna sense punsillaga definition piba kangbusi lumpers haina koui. Atoppa dictionary-makersina amuk sense singsi machet machet segaiduna specific oiba sense kaya thokna definition piba pamjei. Makhoising asina splitters haina khangnei. Dictionary-makinggi style neinarakpada khudong chanabagidamak thonba mamingsingni. Ei isamakti splitter kangbuda yaoba oina toui.

Masina definition pibagi matangda apabasingda kannagadra haina general oina thamjabani.

Culture gi matangda wafam amattang yamna tenna thamjage. Primitive cultureda, amasung primitive culture gi mami yamna samdriba culture singda thainagi wakhallolgi mami chaona taduna lei. Primitive hairaga chaokhattabagi sense ta louroisi. Kuiraba, mahousaga hakthengnana samnaringei matamgi haibasi sense ni. Matam amada numit thorakpa maikeida yumgi mamai onduna sanarammi. Masi Meiteisingkhaktagi wa natte. Prithibigi mafam khudingmaktani. Houjiksu lam khara hangbada oiragadi, geography na yagadaba oiragadi mafam khudingmakta nongpok ollaga yum sanei. Geography nani. Hindu dharmada numitsi adukki matik maru oiragasu Himalay chingsanggi nongchum onba chingmaida  saba yum amatta mata chana leiruba nattragadi loina nongchup olli. Masigi exceptional oiba fibam asi tonganna thamkhraga, numit thorakpa maikei asida mai ollaga yum sabanina numit thorakpa meikei asida mai ollabanina numit thorakpa maikei asibu mamang oina lounarakpasi masana tabani. Hairiba mamang maninggi sense asi yumna krik krik innana taba mafamsingdadi yum nongpok onnabagi fibam yaraktraduna taru taruba fibamduna oithokhanba maion ollabanina mi yamna chinba mafamsingdadi, yum pumnamak maion mannana ondrabanina yumgi maion na leplamba mamang maninggi wa asi leiraktre. Office kumba, shopping mall gumba yamna maru oiba landmarksingna maion gi maru oiba maram oinarakle. Manipurdadi Imphalgi mafam khara nattana nongpok nongchupna maning mamang leppagi wafamsi leiri khalli. Masi eikhoina numitka naknaba mari leiribagini khalli. English pu mamalol oina ngangba mafamgi maruoiba mafam amattada masidi oiramlaroi khalli.


Matou asumna culture ga mari leinaba definition piba matamda eikhoina karamna basic sense tagi basic oidaba, irai laina likhul uba fangdaba artha leiraklibano haibasi reflect tounaba hotnagadabani, nattraga etymology da madugi information hapchinnaba hotnagadabani. Masi nattragadi cheiraoba hairaga chahigi aroiba numit haina samjinkhragadi marakta wa mayam ama manglagani. Masi thoktanaba dictionary-maker eikhoina yamna cheksinba tare.