Ahanba "onnadre" haibasigi basic form si "onba" ni haijakhre.
"dre" haibasina "da + re" haibani haijakhre.
Paren lengduna thamsi:
onnadre = on(ba) + na + da + re
Masida [da + re] asi louthoklasi. Masima khangle eikhoi.
Houjik leihouribasi masini:
on(ba) + na
Masida yaoriba "na" asigi artha karino haiba yengsi.
i + na + ba
kak + na + ba
phot +na +ba
nattraga
chat+na+bi/ba
hang+na+ba
hai+na+ba
Ahanba "onnaba" da yaoriba "na" haibasi mathakki ahanba group asida yaoriba wahei ahumsida khutlai/pambei oina sijinnabagi sense asini. Kolom na inei. Thangna kaknei. Yettumna photnei. Kolomna photnade. Thangna inade. Yettuman kaknade. "Onnadre" haibasi negative oibagi "dre" taraknaba hotnabada "nei" taba yadabadagi "na" haibani "onnade" haibasida. Positive oiragadi "onnei" haidourini. "na" ga "nei" gasi chap mannei. Linguistics ta eikhoina aspect haiba sense ama phongdoknaba hotnabada "a" nattraga "ei" tabani, pamliba sense aduga chanana.
"na" si manipurida atei sense kayamarum leiri. Kanagumbana ahanba "onnadre" da yaoriba "na" si mathakki anisuba group asida yaoriba waheisingsida yaoriba "na" asiga chaorakna mannei haina loubasu yai. Eidi mathakki paragraph asida haikhiba wafamsida oina pukning thamningngi. Akonbagi group asida yaoriba "na" asidi mayamna practice ama oina adum toubagi sense lei. Sigi uheisibu "chanabra," masigi waheisibu "hainabra," asum toubasibu "chatnabra," sigum sigumbasi houjikkan "hangnarakle" haibanachingbada yaoriba mayamna toubagi, regular oina toubagi--REGULAR-- oibagi sense aduni.
Mathakki group anisimakta "na" asi khal yengbagi "onba" haibasida masagi yaojaba wahei natte. Hapchinbani. Manipuri lon asi asumna wahei matek matek mayam ama lonsinnaraga wahei amatta oina sentence sagatpa yaba lonni. Khudam oina:
chatthoklukhidoiraiyebani = chatthklukhidouribra haina hangli haibanemi nangbu asida (napaana)
Matou asumna "on(ba)" haibasida "na" hapchillaga khutlai oina sijinnabagi, nattraga regular oina practice toubagi sense phongdok-i. Adubu root tadi "onba" haiba asidi waheidugi asengbadi.
Anisuba "onnadre" haiba asidi root ta "onnaba" ni. Masisu "na" hapchillaga "onba" dagi sangdoklaga sembani haiba yai amaroda. Hoi, root ta "onba" ni haina lourasi. Masigi "onba" asigi sense asidi hongba, change touba, mafam/mapu hongba gi sense ni. Machu onba, masak onba asinachingbagi sense ni. Hannagidu oidabagi sense ne. "na" tapsillaga amanasu amada touba, atoppa amanasu amaduda touba gi sense fongdoki. Khudam oina:
fu + na + ba
chei + na + ba
cha + na + ba
hat + na + ba
Masigising asida yaoriba asi amanasu amada touba, amadunasu amaduda toubagi wa fongdok-i. Furagadi A nasu B fuba, B nasu A fuba. Cheiba oiragana A nasu B da, B nasu A da. Chak kumba chanaba oiragadi amanasu amanasu ma magi share khaigatnaba. Hatnaba oiragasu kanglup amanasu amagi mi hatpa, amadunasu amagi mi hatpa. Asinachingba.
"onnadre" haibasi da "dre" asidi negativeki oibanina louthoklaga positive ta "onnaba haibasi oire. "onnaba" hairibasida yaoriba "na" asi reciprocal oiba, amanasu amada, amanasu amada oibagi sense ama oiribanina "onba" hairiba root asida "na" hapchillaga sembanina amagi pot aduna eingonda leiraba, eigiduna atoppa amagida changkhrabagi wa yaori. Side amattagi wa nattaba.
Matou adumna ahanba "onnadre" haibasiga akonba "onnadre" haibasiga masak chap mannaragasu wahei sagatlakpagi maongdi khennei.
