|
|
Post by Thoithoi O'Cottage on Mar 16, 2020 15:16:55 GMT 5.5
Masigi wafamsi chayetnaba yaman leiba wafamni haina khalli. MD Project ki WhatsApp group ta Bishwapremina Shagolsem na hanglakpani--masi pukhatpirakpasi yamna fei. Eina khanjabada masi Manipurisingna neinaba changliba wafamni.
Eikhoina chaorakna khangbada (akaknana kananasu haiba ngamnadabagum toui) eikhoina houjik Meitei haina punsillaga kouriba kangbusi tongan tonganba community haisira, ningthou panba kanglup macha macha oina leirammi hai. Masigi tongan tonganba kangbusingsi makhoi maselgi marakta itat tattana laan thokpadagi amana ama namthaba khotpa tounabadagi, kanglup khara maning tamba mangkhibadagi kanglup masing hanthrakkhi hai. Asumna kanglup 12 leirambadagi (karamna 12 leirakpano haibaduna wafam ama oikhre)—kanglup 12 leirambadagi 11 da hantharakpa, adudagi amuk 9 ta hantharakpa, adudagi mameida 7 ta hantharakkhibani haina iba lairik pajakhre.
Hairiba kanglup taret asi salai taret haibaduni hai. Masigi taret asi tongan tonganba sagei oina adum lounabajatni. Sagei gi chap chaba wahanthoksi thidokpa changli. Eina khanjaba, oiramba yaba amadi lei. Masi haijakhiroige. Kharaga yengsin thijinjakhige.
Konnathangda sagei taret asigi manungda tongan tonganba kanglup macha macha sagei-sakhai kayamarum amuk thokna khaidokkhi hai. Masibu yumnak sagei haina kouba malli. (Yumnak hairibasi kari hairibano haibagi matangda eigi wakhal khara leijei. Masisu makha yengsinjakhige.) Masi Meidingngu Loyumba (1074-1122) na sin yethoktuna ma magi sinfamgi matung inna yumnak maming thonbanachingbagi matangdugasu naknana leiramgadra khalli. Toubagibudi, Loyumbana poktringeidagi lamdam asida khundaduna leiraklaba misinggi ma magi kaanglupki sinfamdi leijarabani—yot suba, thang saba, khun taduna leiradu lakpa mi, chafu saba, asinachingba.
Adubu salai taretna sagei oiba matamdu yamna kuirabagi wani. Salaina sagei oidre houjik. Aduna yumnak amasung sageisi iman mannana sijinnare haina khalli. Waheising asigi hourakfam likhun thiba matamdadi anisigi khenaba leiriba adudi udaba ngamloi. Adum oinamak kari sageino haibaga kari yumnakno haibaga anisi houjikti iman mannare, khennadre haina khalli. Anisi pullaga yumnak-sagei haibasisu houjikti yamna sijinnare.
|
|
|
|
Post by Thoithoi O'Cottage on Mar 16, 2020 19:04:07 GMT 5.5
Bishwapremi further asked:
And this is my response:
Yamna kupna yengba mityengni khalli. Kannei.
Sageigi apokpadi hainei. Yumnakki apokpadi hainade. Masigi maramdi eina khanbada sagei hairagana kaanglup aduni, aduga yumnak hairagana kanglup adugi mamingni.
Mamangdasu eina kayarak hanna haijakhibaduni, wahei ani keidounungdasu chap mannaba oide. Wahei anigi wahanthok marong marong leibada chaorakna mannaba, lonsinnaba mapa yaoba yai (sagei amasung yumnak asi matang asida wahanthok lonnaba khara leire), adubu wahei khudingmakki itihas khennabanina wahanthok chaorakna mannaba mapa yaoragasu wakhal mityengdi mapa adumakta adum khennei, atei mapasing palludrabada.
Mityeng asidagi houjik faobsgi eikhoina louba yaribadi sagei hairagana artha ani sure (kanglup amasung kanglupki maming), yumnak hairagana artha amakhak leire kanglupki maming).
|
|
|
|
Post by Thoithoi O'Cottage on Mar 17, 2020 16:20:10 GMT 5.5
Matang asida sagei haibasi ee mari punbasinggi kanglup oibra oidabra haibasi Loyumbana sinfamgi matung inna yumnak pikhibaduga samjinnaraga yengba amuk changngi.
Yumnak haibasidi ngarang nahangi wani; masi konnathangda, haibadi kuidringeida pikhiba kanglupki formal oiba mamingni. Yumnak leitringei kuinagi mamangdagi mioiba hinglakle, mari matada yumfam oiba kanglup kaanglup leirakle. Hairiba kanglupsing asi ayamba sinfam naknagalli. Masigi maramdi thaina sinfam makhal makha yamna leitringei, lairik laisu tamduna tongan tonganba mafamsinggi tongan tonganba thabak kayagi maramda yamna khangnadringeida nupa amana paikhatpa sinfamsi mapana paiba sinfamdu oigalli, amasung mapa adusu mahakki mapana paiba sinfamdu paigalli. (Lairik laisu tamnarakpadagidi sinfam makhal makha kaya khangnarakle, painarakle, amasung fibam chaba yenglaga khul thadoktuna atoppa mafamda chatpa hounarakle, ee tinnadaba masel naksinnarakpa hourakle, mapa mapugi sinfam hanjillaga paibagi mahutta anouba sinfam, makhoi masana henna pamjaba, khoidajaba sinfam paiba hourakle, khanglamdaba sinfam kayadasu mai onsinba hourakle.) Matou asum touduna nupa asigi machasu piklingeidagi houna mahakna touba thabak adu nungtigi uduna, matou tamduna, adudagi khara chaoraklaga yaosinduna mateng pangsinbadagi mahakna khwaidagi heiba sinfam adu pamana touriba sinfam asi oirak-i, amasung sinfam asimak mahakki sinfam oiraki. Matou asumna mathanggi charon amasung surol mathang mathang sinfam ama paiduna leigalli. Nga faba nupa amagi machanupa, masu, masudugi machanupa amasung makha taba mirolsing nga faba oigalli. Yot suba nupa amagi machanupa, masu, masudugi machanupa amsung makha taba mirolsing yot suba oigalli.
Masidagi eikhoina maning hangatlaga louba yaba amadi sinfam mannaragadi sinfam mannariba mising asi ayamba ee mari thokkalli. (Sinfam mannaraga ee mari pundabasu leigani.) Amasung ee mari naknabanina sinfam mannaba kangbusi yum naknana leigalli, fibam kayadagi yom hongdoknakhiba khara yaoragasu. Yumnaak haiba waheisi yum naknana, naak naakta taduna leiminnabagi masak adu fongdokpa oirambasu yai. Ee maridi pundaba imung ama araappa mafam amadagi karigumba ee marigi lipunna pullaga punna khundaduna leiba kollup amada nattraga manak nakna hongjillaklagasu, yum nakna tasillaragasu yumnaakti pullaroi. Karigumba yumnaak haibasi yum naknaba, yum naak naakta tanaduna leibadagi hourakkhiba oiramba taragasu houjikti yum naknabadagi yumnaak maming thonba, yumnaak mannabasi toudre.
Sinfamna mi masak takpasi prithibigi mafam khudingda thainadagi tounaraki. Manipurdasu masi touduna laki. Manipur gi myth kayada yaoba nupa nupi kayagi maming ma magi sinfam, ma mana touba thabakki mamingga konnana tholli. Tongan tonganba mafamsing mafamduda leiba misingna touba sinfamgi matung inna tholli. Matou asumna ee marida yumfam oiraga kollup kollup khundaduna leiba mioisingbu makhoigi sinfamga mari leinana masak takpasi Loyumba gi mamangda soidana touramgani. Thang saba kangbu, fi saba kangbu, asinachingba. Geographygi achouba ithildagi ee mari tinnadragasu paktaknana sinfam mannaba matangsu soidana leigani. Khudam oina thina Moirang Kangleirol mamang amasung matunggi matamda Loktak mapanda taba mioising purol kayagi mamang chatkhatna yengbada ee mari tinnadragasu sinfamdi mannabagi chang yamna wangngi. Adubu asigumba geographygi fibamna mafam amada khundaminnariba mioisinggi punsibu supchillaga iman mannahanbagi fibam asigi wangmada hingba misingdi punna kollup semduna leiminnaba mioising sinfam mannaganba, sinfam mannaragadi ee mari tinnaramgani loubada laangandaba asi thokkalli.
Sinfamdagi kanglup amasung kollup khangnaba, sinfam pallaga kanglup amasung kollup khangnabasi leirambana Loyumbagi mamangdagi yumnak haiba ama masana pokcharaklamba yai haina khalli. Masidagi louba yaribadi Lyumbagi mamang faobadi yumnak mannabasingsi ayambada ee mari mari adum punba, ee mannaba tare (sinfamdi mannaba, ee maridi tinnadaba leiramgani) amasung yumnak mannarabanina ayambada ee marigi apunba sagei punba tare. Adudi Loyumbana formal oina sinfamgi matung inna yumnak thonkhiba matamda purakkhiba ahongbasi karino? Matang asida ningsinggadabadi sinfamdi mannaba, ee maridi pundaba kanglup kaya leirammi haibasini. Loyumbana toukhibasi ee marigi makha pondana sinfamgi makha ponna yumnak thonba asini--thang saragana Thangjam, keithel lakpa sennaba kangbubu Keithellakpam, asinachingba. Adubu thang saba mi khudingmak ee mari tinnabadi oidabana sinfamgi maming louraga thonba yumnak hek mannaragadi sagei mannagani haibadi leitre, maramdi sagei haibasidi ee mari thoknabasinggi kanglupni. Kakchingda leiba Pukhrambam ga Nambol nattraga Khagempallida leiba Pukhrambam ga ee mari thoknabra haibasi matang asida khanba yaba wafamni.
Ningsinggadabadi mioibasi mafam amattada neisinduna leite. Fibam kayadagi maram kayadagi mafam amadagi mafam amada chatli. Ee pao ningthina amasung matam changdana faonaba ngamdringei matamdadi kanagumba misak amana khul hongkhragadi mahak amasung mahakki charol surolga mahakna thadoklamliba mafamduda leihouba mahakka ee mari punbasingga ngaihak leitana pao faonaba, awa nungai saruk yaminnabagi changsi asum asum hantharaktuna mameida sakkhangnadaba, lamlanba oinaraki. Maram asina naknaringei matamda nungaiba matamda haraominnaramba, siba matamda chafu kainaramba adu pao tanaraktabadagi matam amattada haraominnaba, nungaiminnaba ngamlakte, chafu kainarakte. Sakkhangnadaba, lamlanba haibadu oinaraki. Masi mirol amagi manungda thokpa yai. Mirol kayagi matungdadi mari sukthok thoknadraba haibadu oiraki. Masi atoppa mafamgi kangbusingga charou mourounaduna matam sangna hingkhibadagidi maousagum samjinnaba yaobagi changsi amukka henna leirakte. Masidagi eikhoina khangbadi lapnana leiba mioisingsi naknana leiba misingdagi aduk ee mari lapnaba oiramdaba yai haibasini. Aduna chafu kainaba kainadaba, shagei mannaba mannadaba haibasi eikhoina kadai faoba maning hangatna yengba ngambage nattraga yengningbage haibagi makha polli haibasini.
|
|
