Post by Thoithoi O'Cottage on Jan 2, 2023 13:02:50 GMT 5.5
Eikhoina houjik kanna semgatpa hotnajariba Manipuri dictionary asi lairik yamna changngi. Maramdi dictionary asi corpusta base toubani. Corpusta base touba haibasi eikhoigi aiba oina leiraba machaksingda yumpham oiba haibani. Tasengbadi aibakhakta natte, audio oinabu oirabasu, video oinabu oirabasu, maong amada hekta record oina leiraba lolgi matou oina leiba machakta yumpham oiba haibani.
Recordta yumpham oiba dictionaryga oidaba dictionaryga khennei. Recordta yumpham oiba dictionarydi recordta yaoduna leiraba wahei khudingmak dictionaryda happi, aduga waheidugi definition, sijinnabagi maong, sijinnabagi matam, artha honglakpagi maong, asinachingbasi recordta phangliba adugi matung inna inna puthokpani. Khudam oina "kallakpa" haiba waheisi loukhatlasi. "Chingda satpi ingngellei, chinnadana kenkhiba kallakida, kallakide" haiba asida yaoriba "kallakpa" gi sense asiga houjikkan eikhoina sijinnariba "mina adu touraga nang kallakpra?" haiba asida yaoriba "kallakpa" haiba asiga artha mannade. Adudi karamba matamda "kallakpa" asina "pammubagi" sense ta sijinnarambadagi karamba matamda midi oiraga eina oidaba, mina karigumba eina pamba ama touraga eidi touba ngamjadabagumba phibamda saoningba, khoirang khoisaonaba pokpagi senseta honglakkhibano haibasi "kallakpa" haiba wahei asi eikhoigi recordta pungpak pakna yenglaga, eikhoigi lairik pumnamakta, pamphlet pumnamakta, record oina phangba chithi, bartan che pumnamakta yenglaga waheisi sijinnabagi aphangba khudam khudingmak loukhatlaga wahei amamam adugi artha, sijinnabagi maong, sijinnabagi matam asinachingba yenglaga lepkadabani. Wahei ama 20,000 lak sijinnaba thengnaragadi 20,000 adu amamam lairik phaktuna yenggadouribani. 20,000 haibasidi haiphettang common oiba wahei amagi wani. 30,000 henba yamna yaori. Corpusta base touba haibasi matou asumna recordta yenglaga aphangba material, praman aduda yumpham oiraga semba haibani. Asigumna recordta yengdana ngarang nahanta pokpa eikhoina oiramgani khanba ama natraga oihanningba maong amada michang changlaga hekta haijillaga touba thabak adu yade.
Matou asumna recordta yumpham oiba dictionary ama touba haibasi chahi yamna kuina changngi. Oxford English Dictionary (OED) haibadu ahanba sagatpada chahi 150 gi chang changkhi. Mioi mayam amana employee oina full-time oina, salary phangba thabak oina subani. Achouba thabakni. Eikhoigidi tolop naiba natte. Hingnaba hotnabagi mathakta aphang aphangba matamda, nungtigi ngaihai ngaihak subani--office mamang, offie matung. Adubu OED dagi henna eikhoina phangba khudongchabadi eikhoidi computer matamda toubani, internetki matamda toubani. Aduna achouba thabak oirabasu chahi kaya amadi tensinba ngamgani.
Thabak asigi yumpham oinaba lairikti leitaba yaroi. Lairik yamna changngi. Lairik kayano haiba leite--areibamakhei eikhoigi machakni. Sarkarnabu oirabasu, lanai organizationsingnabu oirabasu, lanai mioisingnabu oirabasu (eikhoina chattuna haijarudabana) mateng pangbirakpa oidabana/oidribana Manipur pumbagi lairikti eikhoina loina leiba ngamjade. Maram asina eikhoigi Manipur manung amasung mapanda leiriba Manipuri lolda lairi ibiriba aibasing amasung publisher oibiribasingna phongbiraba lairiksingdugi copy amamamdang yaragadi thabak asigidamak khallaga khudol toubiyu haijari.
Aibasingna ibiriba aduda yaoba waheiparengsingdudagi chanaba khallaga waheigi artha amasung sijinnabagi maong utpa khudam oina pibada sijinnagadouribani. Aibasingna lairik khudol toubirabasu toubidrabasu eikhoidi lolgi thabak toujabanina maong amada natraga amada waheisingsigi definition, etymology amasung sijinnabagi maon utpa khudam oiba waheiparengsingsi aibagi ming amasung phongbagi chahi iduna dictionary asida hapkadouribani. Aiba amasung publishersingna lairik khudol toubiragadi eikhoina machaktu kharadasu laina phangba oire, selsu kalle. Seldi dictionary toujariba eikhoigi phuritkhaodagi chatlibani houjik phaobagi oinadi. Lairik phanglaga loibadi natte. Lairiksingdu chena khudinggi scan touba changkhigadouribani. Scan touragasu loiba natte. Madu OCR da amuk thajillaga picturedagi computerda thiba yaba text oina amuk onthokkadouribani. Masi sel changna tougadouribani. Masi onthoklaga loibasu natte--eikhoigi corpusta text adugi matamgi mapa chana amuk hapchingadouribani. Matou asumna touraba matungkhaktada hapchillaba lairiksi dictionary sembagi thabak asida sijinnaba yaraba machak oigadouribani. Dictionarydi masikhaktadagi houbani. Dictionary sembagi thabak asidi aruba, matam changba ama oire.
Wapham asi leibana lairik khudol toubinaba aibasingda amasung lairik phongbiribasingda haijabani.
Khudol toubiningba leiragadi makhagi address asida lairik thabirakpa yagani, natraga louba lakchou hairabasu lakchage:
Thoithoi O'Cottage
First Gate, Laipham Loknung Pukhri
Laipham Loknung, Kakching, Manipur 795103
Phone number: 9667845338
Recordta yumpham oiba dictionaryga oidaba dictionaryga khennei. Recordta yumpham oiba dictionarydi recordta yaoduna leiraba wahei khudingmak dictionaryda happi, aduga waheidugi definition, sijinnabagi maong, sijinnabagi matam, artha honglakpagi maong, asinachingbasi recordta phangliba adugi matung inna inna puthokpani. Khudam oina "kallakpa" haiba waheisi loukhatlasi. "Chingda satpi ingngellei, chinnadana kenkhiba kallakida, kallakide" haiba asida yaoriba "kallakpa" gi sense asiga houjikkan eikhoina sijinnariba "mina adu touraga nang kallakpra?" haiba asida yaoriba "kallakpa" haiba asiga artha mannade. Adudi karamba matamda "kallakpa" asina "pammubagi" sense ta sijinnarambadagi karamba matamda midi oiraga eina oidaba, mina karigumba eina pamba ama touraga eidi touba ngamjadabagumba phibamda saoningba, khoirang khoisaonaba pokpagi senseta honglakkhibano haibasi "kallakpa" haiba wahei asi eikhoigi recordta pungpak pakna yenglaga, eikhoigi lairik pumnamakta, pamphlet pumnamakta, record oina phangba chithi, bartan che pumnamakta yenglaga waheisi sijinnabagi aphangba khudam khudingmak loukhatlaga wahei amamam adugi artha, sijinnabagi maong, sijinnabagi matam asinachingba yenglaga lepkadabani. Wahei ama 20,000 lak sijinnaba thengnaragadi 20,000 adu amamam lairik phaktuna yenggadouribani. 20,000 haibasidi haiphettang common oiba wahei amagi wani. 30,000 henba yamna yaori. Corpusta base touba haibasi matou asumna recordta yenglaga aphangba material, praman aduda yumpham oiraga semba haibani. Asigumna recordta yengdana ngarang nahanta pokpa eikhoina oiramgani khanba ama natraga oihanningba maong amada michang changlaga hekta haijillaga touba thabak adu yade.
Matou asumna recordta yumpham oiba dictionary ama touba haibasi chahi yamna kuina changngi. Oxford English Dictionary (OED) haibadu ahanba sagatpada chahi 150 gi chang changkhi. Mioi mayam amana employee oina full-time oina, salary phangba thabak oina subani. Achouba thabakni. Eikhoigidi tolop naiba natte. Hingnaba hotnabagi mathakta aphang aphangba matamda, nungtigi ngaihai ngaihak subani--office mamang, offie matung. Adubu OED dagi henna eikhoina phangba khudongchabadi eikhoidi computer matamda toubani, internetki matamda toubani. Aduna achouba thabak oirabasu chahi kaya amadi tensinba ngamgani.
Thabak asigi yumpham oinaba lairikti leitaba yaroi. Lairik yamna changngi. Lairik kayano haiba leite--areibamakhei eikhoigi machakni. Sarkarnabu oirabasu, lanai organizationsingnabu oirabasu, lanai mioisingnabu oirabasu (eikhoina chattuna haijarudabana) mateng pangbirakpa oidabana/oidribana Manipur pumbagi lairikti eikhoina loina leiba ngamjade. Maram asina eikhoigi Manipur manung amasung mapanda leiriba Manipuri lolda lairi ibiriba aibasing amasung publisher oibiribasingna phongbiraba lairiksingdugi copy amamamdang yaragadi thabak asigidamak khallaga khudol toubiyu haijari.
Aibasingna ibiriba aduda yaoba waheiparengsingdudagi chanaba khallaga waheigi artha amasung sijinnabagi maong utpa khudam oina pibada sijinnagadouribani. Aibasingna lairik khudol toubirabasu toubidrabasu eikhoidi lolgi thabak toujabanina maong amada natraga amada waheisingsigi definition, etymology amasung sijinnabagi maon utpa khudam oiba waheiparengsingsi aibagi ming amasung phongbagi chahi iduna dictionary asida hapkadouribani. Aiba amasung publishersingna lairik khudol toubiragadi eikhoina machaktu kharadasu laina phangba oire, selsu kalle. Seldi dictionary toujariba eikhoigi phuritkhaodagi chatlibani houjik phaobagi oinadi. Lairik phanglaga loibadi natte. Lairiksingdu chena khudinggi scan touba changkhigadouribani. Scan touragasu loiba natte. Madu OCR da amuk thajillaga picturedagi computerda thiba yaba text oina amuk onthokkadouribani. Masi sel changna tougadouribani. Masi onthoklaga loibasu natte--eikhoigi corpusta text adugi matamgi mapa chana amuk hapchingadouribani. Matou asumna touraba matungkhaktada hapchillaba lairiksi dictionary sembagi thabak asida sijinnaba yaraba machak oigadouribani. Dictionarydi masikhaktadagi houbani. Dictionary sembagi thabak asidi aruba, matam changba ama oire.
Wapham asi leibana lairik khudol toubinaba aibasingda amasung lairik phongbiribasingda haijabani.
Khudol toubiningba leiragadi makhagi address asida lairik thabirakpa yagani, natraga louba lakchou hairabasu lakchage:
Thoithoi O'Cottage
First Gate, Laipham Loknung Pukhri
Laipham Loknung, Kakching, Manipur 795103
Phone number: 9667845338